Ás vinnustofa

Ögurhvarf 6, 203 Kópavogur
414 0530
asvin@styrktarfelag.is

Heimasíða: Ás vinnustofa

Facebook: Ás styrktarfélag

Í Ási vinnustofu er lögð áhersla á að skapa  fólki með skerta starfsgetu vinnuaðstöðu sem sniðin er að þörfum þess og getu. Áhersla er lögð á að efla sjálfsöryggi einstaklingsins og starfshæfni með það að markmiði að starfa á almennum vinnumarkaði. Jafnframt er leitast við að gera vinnu aðgengilega hverjum og einum með það að leiðarljósi að „enginn geti allt en allir geti eitthvað“. Þeir sem starfa í Ási vinnustofu hafa tækifæri til að velja virknihópa í Vinnu og virkni ár hvert.

Á svæði 1 er starfrækt saumastofa þar sem framleiddar eru ýmsar gerðir heimilisklúta, ásamt hárklæðum, handklæðum, bleium og gömlu góðu diskaþurrkunum. Í textílhluta saumastofunnar er boðið upp á vefnað, þæfingu og ýmiskonar skapandi starf.

Á svæði 2 er boðið upp á fjölbreytt skapandi starf en þar er til húsa kertagerð og smiðja. Í smiðjunni er unnið í leir, skartgripagerð, gleri, við saumaskap og ýmislegt fleira. Svæði 2 sinnir einnig störfum er snúa að þvotti í húsinu og einnig er unnið við pökkunar-og æfingaverkefni.

Svæði 3 sinnir fyrst og fremst pökkunarvinnu fyrir margvísleg fyrirtæki. Má þar nefna pökkun tímarita og dagatala, líma límmiða á lok og dósir, telja skrúfur í poka, líma miða fyrir dreifingaraðila og margt fleira.

Smíkó er smíðaverkstæði fyrir einhverfa einstaklinga sem hefur verið starfandi frá árinu 2012. Fyrst í Hæfingarstöðunni Fannborg en frá hausti 2017 í Ögurhvarfi 6.  Helstu verkefni Smíkó eru að smíða leikföng á borð við bíla, lestar og kubba. Í Smíkó er einnig unnið við hin ýmsu æfingaverkefni. Starfsmenn Smíkó hafa síðustu ár fengið tækifæri til að fara út á vinnumarkaðinn og vinna þar hin ýmsu störf, stór sem smá.

Ás vinnustofa hóf starfsemi sína þann 22. október 1981. Í upphafi var Ás til húsa í Lækjarási við Stjörnugróf í 150 fermetrum. Vinnustofan hefur starfað á nokkrum stöðum í gegnum árin en í október 2016 komst hún í ný og glæsileg húsakynni í Ögurhvarfi 6, Kópavogi.

Ás vinnustofa er opin alla virka daga vikunnar frá kl 9:00 – 16:00

Hafa samband:

Halldóra Þ. Jónsdóttir, forstöðuþroskaþjálfi asvin@styrktarfelag.is
Valdís J. Erlendsdóttir, yfirþroskaþjálfi valdis@styrktarfelag.is 
Guðný Sigurjónsdóttir, yfirþroskaþjálfi gudny@styrktarfelag.is
Nína Edda Skúladóttir, yfirþroskaþjálfi nina@styrktarfelag.is